Mæling og mátun: að finna nákvæmlega það rétta handa þér.

Erlendar rannsóknir sýna að um 80% kvenna nota ranga stærð brjóstahaldara og þá helst að konur taki of vítt ummál og skál sem er of lítil.  Reynsla okkar hérna heima segir að hlutföllin séu síst betri hér.

Þetta þýðir ekki aðeins að brjóstin fái ekki þann stuðning sem þörf er á, heldur líka að rétt stærð getur gefið þér aðra og betri "holningu", og trúðu mér, það breytir öllu !

Sértu nú þegar viðskiptavinur í MISTY og hefur komið í mátun til okkar er líklegt að þú sért í réttri stærð.  Hinsvegar er rétt að láta mæla sig og fá aðstoð sérstaklega í hvert sinn, því það getur vel verið að sitt hvað breytist hjá þér, jafnvel innan mánaðar þegar hormónarnir flæða og gera þér erfitt fyrir.

Það er erfitt að mæla sjálfan sig rétt.  Best er að koma til okkar og láta okkur sjá um það til að vera viss um að fá rétta stærð.  Þetta er einmitt sú þjónusta sem við veitum fúslega, og ókeypis, í hvert sinn sem þú lítur við hjá okkur.

Allar erum við sérstakar og engar tvær konur eins.  Því hvetjum við þig til að nýta þér þjónustu okkar og fá hjálp til að finna það sem gerir mest fyrir ÞIG...

með kveðju frá okkur í MISTY